
404ཇ་མཆོད་པད་དཀར་ལྟར་བསྔགས་པ་བཞུགས་སོ། །
47-6-6
༄༅། །ཇ་མཆོད་པད་དཀར་ལྟར་བསྔགས་པ་བཞུགས་སོ། །
༄༅། །ཇ་མཆོད་པད་དཀར་ལྟར་བསྔགས་པ་བཞུགས་སོ། །པད་དཀར་ལྟར་བསྔགས་འདྲེན་མཆོག་ཤཱཀྱའི་རྒྱལ། །ལྷ་མིའི་གཙུག་རྒྱན་མེས་པོ་གདོང་བཞི་པ། །མིག་སྟོང་ལྡན་དང་པདྨོའི་གཉེན་ལ་སོགས། །ལྷ་བརྒྱའི་གཙུག་རྒྱན་གུས་བཏུད་མཆོད་པ་འབུལ། །ལྷ་དང་ལྷ་མིན་འཇིག་རྟེན་སྐྱོང་བ་དག །མགོ་བོའི་ཅོད་པན་དག་གིས་ལེགས་བཏུད་ནས། །ཕོངས་པ་ཀུན་ལས་རྣམ་པར་སྒྲོལ་མཛད་མ། །ནམ་མཁའི་མདངས་འཕྲོག་མ་ལ་མཆོད་པ་འབུལ། །ཀླུ་སྒྲུབ་ཨརྱ་དེ་ཝ་ཐོགས་མེད་དང་། །དབྱིག་གཉེན་ཕྱོགས་གླང་ཆོས་ཀྱི་གྲགས་པའི་དཔལ། །ཡོན་ཏན་འོད་དང་རྒྱལ་སྲས་ཤཱཀ་འོད་སོགས། །འཛམ་གླིང་མཛེས་བྱེད་རྣམས་ལ་མཆོད་པ་འབུལ། །བོད་ཡུལ་བསིལ་ལྡན་སཱ་ལའི་སྨན་ལྗོངས་འདིར། །སྟོང་པ་ཉིད་དང་ཟབ་མོ་དབུ་མ་ཡི། །ལྟ་བ་སྤེལ་མཛད་བློ་བཟང་གྲགས་པ་ཞེས། །ས་གསུམ་སྙན་པར་གྲགས་ལ་མཆོད་པ་འབུལ། །
47-6-7
བློ་ལྡན་ཤེས་རབ་ལེགས་བཤད་ཆུ་གཏེར་ཆེ། །རྒྱ་བོད་མཁས་པའི་གཞུང་ལུགས་ཟླ་བྲལ་བ། །ཕ་རོལ་རྒོལ་ངན་ལོག་རྟོག་འཇོམས་མཛད་པ། །ཆོས་ཀྱི་སེངྒེའི་ཞལ་ལ་མཆོད་པ་འབུལ། །དེང་ནས་བྱང་ཆུབ་སྙིང་པོ་མ་ཐོབ་བར། །རྣམ་དག་ལམ་བཟང་སྒྲུབ་པའི་གྲོགས་མཛད་ཅིང་། །ཐོས་བསམ་སྒོམ་པའི་སྒྲུབ་པ་བྱེད་པ་ལ། །རྩེ་གཅིག་མོས་པས་ལྷུར་ལེན་བྱེད་པར་ཤོག །རྣམ་ཐར་ཞལ་གསུམ་མཆོད་པ་འབུལ། །ཅེས་པ་འདི་ནི་རིན་ཆེན་ཚངས་དབྱངས་རྒྱ་མཚོས་མཛད་པའོ།། །།


